icc

මම සද්ධන්ත ඇතෙක්..සාකච්ජාව බලාපොරොත්තු සහගතව අවසන් වුණා..ඇමති සජිත්

සැප් 11, 2019

    එක්සත් ජාතික පක්ෂ නායක අග්‍රාමාත්‍ය රනිල් වික්‍රමසිංහ හා නියෝජ්‍ය නායක අමාත්‍ය සජිත් ප්‍රේමදාස මහතා අතර ඊයේ රාත්‍රී පැවති සාකච්ජා බලාපොරොත්තු සහගතව අවසන් වූ බව, එම සාකච්ජාවෙන් පසු අමාත්‍ය සජිත් ප්‍රේමදාස මහතා මාධ්‍ය වෙත පැවසීය. සාකච්ජාව ඊයේ (11) රාත්‍රී 9.30ට පමණ අලියගහ මන්දිරයේ දී පැවැත්විණ.

    අමාත්‍ය සජිත් ප්‍රේමදාස මහතා සාකච්ජාවට සහභාගී වීම සඳහා ඊයේ රාත්‍රී 9.00ට පමණ අරලියගහ මන්දිරයට පැමිණියේය. එම අවස්ථාවට එක්සත් ජාතික පක්ෂය හා එක්සත් ජාතික පෙරමුණේ ජ්‍යෙෂ්ඨ ඇමතිවරුන් කිහිප දෙනෙකුට එක්ව සිටියේය.

    අගමැතිතුමා හා සජිත් ප්‍රේමදාස මහතා අතර සාකච්ජාව පැයකට ආසන්න කාලයක් පැවති බව වාර්තා වෙයි. සාකච්ජාව බලාපොරොත්තු සහගව අවසන් වූ බවත් ඉදිරියේ දී මෙම සාකච්ජාවේ ප්‍රතිඵල සුභවාදීව දැකගත හැකි බවත් සාකච්ජාවෙන් පසු මාධ්‍යයට සජිත් ප්‍රේමදාස මහතා කියා සිටියේය. එක්සත් ජාතික පක්ෂය සැමවිටම පක්ෂයක් ලෙස ක්‍රියාත්මක වන බවත් ඒ අනූව, කෘත්‍යාධිකාරී මණ්ඩලය හා සාමූහිකව සාකච්ජා කර තීරණයට එළඹිය යුතු බව ද ඔහු පෙන්වා දුනි.

    මෙම පක්ෂය පවුලක තීරණ ගන්නා පක්ෂයක් නොවන බවත් ඔහු අවධාරණය කළේය. ඉදිරියේ දී තවත් සාකච්ජාවක් පැවතිය හැකි බව ද මාධ්‍ය වෙත ඔහු කියා සිටියේය. තමා සද්ධන්ත ඇතෙකු මෙන් සිටින බවත් කිසිදු අවස්ථාවක එය වෙනස් නොවන බවත් ඔහු අවධාරණය කළේය. අගමැතිතුමා සමග පැවති සාකච්ජාවේ දී පක්ෂයේ ඉදිරි ක්‍රියාමාර්ග, එක්සත් ජාතික පෙරමුණ ගොඩනැගීම වැනි කාරණා ගැන ද සාකච්ජා කෙරුණු බව ඔහු කියා සිටියේය.

    Last modified on බදාදා, 11 සැප්තැම්බර් 2019 11:51

    Latest News