අද (18) දින අරලියගහ මන්දිරයේදී පත්වීම් ලිපිය අග්‍රාමාත්‍ය රනිල් වික්‍රමසිංහ මහතා විසින් වැලිඅංගේ මහතා වෙත බාර දෙනු ලැබිණ.
මෙම අවස්ථාවට එක්සත් ජාතික පක්‍ෂයේ මහලේකම් සහ අධ්‍යාපන අමාත්‍ය අකිල විරාජ් කාරියවසම් මහතා ඇතුළු පිරිසක් ද සහභාගිවී සිටියහ.
ජාතික තරුණ සේවා සභාවේ සභාපති සහ අධ්‍යක්ෂ ජනරාල්වරයා ලෙස වසර හතරකට අධික කාලයක් කටයුතු කරන ඔහු ජාතික වොලිබෝල් සම්මේලනයේ උප සභාපතිවරයාදවේ.
ඉසිපතන විද්‍යාලයේ ආදි ශිෂ්‍යයෙකුවන එරන්ද වැලිඅංගේ ජනාධිපති නීතිඥ විජයදාස රාජපක්ෂ සහ නලින් ලද්දූවහෙට්ටි යටතේ කණිෂ්ඨ නීතීඥවරයෙකු ලෙස ද කටයුතු කර ඇත. ඔහු තරුණ සේවා සභාවේ සභාපතිවරයා ලෙස කටයුතු කළ සමයේදී යොවුන්පුරය, ගමට කෝටියක්, යුතුකම, youth with talent වැනි විවිධ වැඩසටහන් හරහා දක්ෂතා පිරි තරුණ තරුණියන් වෙනුවෙන් විවිධ වූ ව්‍යාපෘතීන් ගණනාවක්ම ක්‍රියාත්මක කළේය.
