ශ්‍රී පාද වන්දනා වාරය එළැඹෙන 14 වැනි උඳුවප් පුර පසලොස්වක පොහොය දිනෙන් ආරම්භ වන බැවින් පැල්මඩුල්ල ගල්පොත්තාවල විහාරස්ථානයේ තැන්පත් කර ඇති සමන් දේව ප්‍රතිමාව, සධාතුක කරඬුව සහ දේව ආභාරණ මහජනතාවට වැඳපුදා ගැනීමට අවස්ථාව ඊයේ (12) දින සිදු කෙරුණා.
මාර්ග අවහිරතාවයක් ගැන දැනුම්දීමක්
දෙසැ 13,
2024
රත්නපුර ප්‍රදේශයේ දී අද (13) දින සිදුවිය හැකි මාර්ග අවහිරතාවක් සම්බන්ධව පොලීසිය විසින් විශේෂ නිවේදනයක් නිකුත් කර තිබෙනවා.
ඉන් පසු අද (13) දිනයේ දී ගලප්පොත්තාවල රජමහා විහාරස්ථානයේ සිට රත්නපුර පලාබද්දල මාර්ගයේ හා කුරුවිට එරත්න මාර්ගයේ ශ්‍රී පාද මළුව දක්වා පෙරහරින් වැඩම කිරීමට නියමිතයි.
මෙම පෙරහැර ගමන් කිරීමට නියමිත A-04 ප්‍රධාන මාර්ගයේ පැල්මඩුල්ල සිට රත්නපුරය නව නගරය දක්වා කොටසේ අද උදෑසන 6.00 සිට උදෑසන 10.00 දක්වා පමණ කාලය තුළ රථවාහන තබදයක් ඇති විය හැකි බව පොලීසිය පවසනවා.
එබැවින් එම කාලය තුළ ඉහත මාර්ගයේ ගමන් ගන්නා රියදුරන් හා මහජනතාවට මේ සම්බන්ධව අවධානය යොමු කරන මෙන් පොලීසිය ඉල්ලා සිටිනවා.
