මිය යන විට ඒ මහතා 74 වැනි වියේ පසුවුණා.
කුමාර වෙල්ගම මහතාගේ අවසන් කටයුතු අද
සැප් 30,
2024
අභාවප්‍රාප්ත හිටපු අමාත්‍ය කුමාර වෙල්ගම මහතාගේ අවමංගල්‍ය අද සවස 4.00 ට මතුගම - ආදාහනාගාරයේ දී සිදු කිරීමට නියමිතයි.
හිටපු අමාත්‍ය කුමාර වෙල්ගම මහතා, 1984 සිට 2000 වසර දක්වා අගලවත්ත ආසනයේ ශ්‍රී ලංකා නිදහස් පක්ෂයේ ප්‍රධාන සංවිධායකවරයා ලෙස කටයුතු කළා.
2020 පාර්ලිමේන්තු මැතිවරණයට සමගි ජනබලවේග සන්ධානයට එක්ව තරග කර, පාර්ලිමේන්තුවට තේරි පත්වුණා.
අභාවප්‍රාප්ත කුමාර වෙල්ගම මහතාගේ දේහය මේ වන විට මතුගම හොරවල ඩෙනිස්ටන් වත්තේ පිහිටි ඔහුගේ නිවසේ තැන්පත් කර තිබෙනවා.
ජනතා නියෝජිතයන් ඇතුළු විශාල පිරිසක් ඒ මහතාගේ දේහයට අවසන් ගෞරව දැක්වීමට පැමිණෙමින් සිටිනවා.
