කාසල්රී ජලාශය පිටාර මට්ටමට අගල් 4 ක් ආසන්නයේ පවතින අතර, මාවුස්සාකැලේ ජලාශය පිටාර මට්ටමට අගල් 8 ක් ආසන්නයේ පවතියි.
ජලාශ බාර ඉංජිනේරුවන් පවසන්නේ කැනියොන්, ලක්‍ෂපාන, නව ලක්‍ෂපාන, පොල්පිටිය සහ විමලසුරේන්ද්‍ර යන ජලවිදුලිබලාගාරවල විදුලි උත්පාදනය උපරිම ධාරිතාවෙන් සිදු කෙරෙන බවයි.
හැටන් - නුවරඑළිය, හැටන් - කොළඹ යන ප්‍රධාන මාර්ගවල සහ නුවරඑළිය, අඹගමුව යන ප්‍රාදේශීය ලේකම් කොට්ඨාසවල අතුරු මාර්ග රැසක අද අලුයම සිට ඝණ මීඳුම් තත්වයක් පවතින බව, අප වාර්තාකරුවන් පවසයි.
රිය ධාවනයේ දී ඒ පිළිබඳව වඩාත් සැලකිළිමත් වන ලෙසයි, නුවරඑළිය දිස්ත්‍රික් ආපදා කළමනාකරණ ඒකකයේ සහකාර අධ්‍යක්‍ෂ, රංජිත් අලහකෝන් මහතා රියදුරන්ගෙන් ඉල්ලා සිටින්නේ.
