ඒ අනුව මෙම සතිය තුළදීද පසුගිය සතියේ ලබාදුන් ඉන්ධන කෝටාවම එක් එක් වාහන ඛාණ්ඩයන් සදහා ලබාදෙන බවයි විදුලිබල හා බලශක්ති අමාත්‍ය කංචන විජේසේකර පැවසුවේ.
පසුගිය සතියේ දත්ත විශ්ලේෂණය කර හදුනා ගන්නා ගැටළු විසදීම සදහා පද්ධතියේ අවශ්‍ය වෙනස්කම් සිදුකරන බවද අමාත්‍යවරයා නිකුත් කළ ට්විටර් පණිවිඩයේ දැක්වෙනවා.
අගෝස්තු මස පළමු වනදා සිට ඊයේ පස්වරු 4 දක්වා කාලය තුළ QR ක්‍රමයට ඉන්ධන ලබාදීමේ ගණුදෙනු හතලිස් එක් ලක්‍ෂ 72,688 ක් සිදුකර තිබෙනවා.
ඒ යටතේ සපයා ඇති ඉන්ධන ලීටර් ප්‍රමාණය තුන් කෝටි 53 ලක්‍ෂ 62,777 ක්. ඊයේ පස්වරුව වනවිට වාහන පනස් පන් ලක්‍ෂ 33,054 ක් QR ක්‍රමය යටතේ ලියාපදිංචි වී ඇති බවද විදුලිබල හා බලශක්ති අමාත්‍යාංශය සදහන් කළා.
