කැබිනට් ප්‍රකාශක අමාත්‍ය ආචාර්ය කෙහෙළිය රඹක්වැල්ල මහතා මේ බව ප්‍රකාශ කළේ,රජයේ ප්‍රවෘත්ති දෙපාර්තමේන්තුවේ අද පැවති මාධ්‍ය හමුවකදී.

2019 වසරේ මෙරට මුළු තේ නිෂ්පාදනය කිලෝග්‍රෑම් මිලියන 300ක්. ඉන් 75%ක් වන කිලෝග්‍රෑම් මිලියන 225ක් පමණ නිෂ්පාදනය කරනු ලබන්නේ කුඩා තේ වතු අංශය විසින්.

තේ නැවත වගාවෙන් අදායම් ඉපැයීමට වසර 4ක් ගත වන අතර ඊට වැය වන මුදල ද අධිකයි.

මේ නිසා නැවත වගාව සහ අලුත් වගාව සඳහා වන උනන්දුව අඩු වී තිබේ. මේ තත්වය අවම කිරීමටයි,තේ නැවත වගා සහනාධාරය හෙක්ටයාරයකට ලක්ෂ 4 සිට ලක්ෂ 5 දක්වා වැඩි කෙරෙන්නේ.

2025 වන විට තේ කිලෝග්‍රෑම් මිලියන 360ක නිෂ්පාදන ඉලක්කයක් සපුරා ගැනිම රජයේ අරමුණයි.