මෙම ක්‍රියාවන් පසුපස ඇතැම් දේශපාලඥයින් මෙන්ම ජාවාරම්කරුවන්ට සහාය දෙන රජයේ නිලධාරින් ද සිටින බවත්, එමනිසා කැළෑ කපා පරිසරය විනාශ කරමින් සිටින එවැනි පුද්ගලයින් තරාතිරම නොබලා අත්අඩංගුවට ගන්නැයි ජනාධිපතිතුමන් ආරක්ෂක අංශවලට උපදෙස් දී ඇති බව අමාත්‍යවරයා පෙන්වා දෙයි.
ඒ වගේම ජනාධිපතිතුමන්ගේ උපදෙස් පරිදි පරිසරය සුරැකීමේ පුළුල් වැඩපිළිවෙළක් ද මේ වන විට අරඹා ඇති බව පරිසර අමාත්‍ය මහින්ද අමරවීර මහතා පවසයි.
අමාත්‍යවරයා එම අදහස් ප්‍රකාශ කළේ ඊයේ (22) පස්වරුවේ පරිසර අමාත්‍යාංශ පරිශ්‍රයේ පැවැති ලෝක බාලදක්ෂ දින සැමරුම් නිල උත්සවයකට සහභාගි වෙමින්.
