දිවුරුම්දීමේ උත්සවය ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් කැළණිය රජමහා විහාරස්ථානයේදී පැවැත්වේ. එය උදේ 8.30 සිට ජාතික රූපවාහිනිය ඔස්සේ සජීවිව විකාශය කිරිමට නියමිතයි.
මහින්ද රාජපක්ෂ මහතා අග්‍රාමාත්‍ය ධූරයේ දිවුරුම් දෙන්නේ සිව්වැනි වරටයි. මෙවර පාර්ලිමේන්තු මැතිවරණයට කුරුණෑගල දිස්ත්‍රික්කයෙන් මැතිවරණයට ඉදිරිපත් වූ එතුමාට 527,364ක මනාප සංඛ්‍යාවක් හිමිවිය. ඒ පාර්ලිමේන්තු මහ මැතිවරණයක අපේක්‍ෂකයෙක් ලබාගත් වැඩිම මනාප ඡන්ද සංඛ්‍යාව ලෙස සටහන් වේ.
