පා.ම. රන්ජන් රාමනායක අධිකරණයට - (16:00)
රක්ෂිත බන්ධනාගාර ගත කර සිටින පාර්ලිමේන්තු මන්ත්‍රී රන්ජන් රාමනායක මහතා අද (12) යළි නුගේගොඩ මහේස්ත්‍රාත් අධිකරණය හමුවට ඉදිරිපත් කර ඇත.
ඒ ඔහුට එරෙහිව එල්ලවී ඇති අධිකරණ කටයුතුවලට බලපෑම් කිරීමේ චෝදනාවට අදාළ නඩු විභාගය සඳහා සහභාගී වීමට බවයි වාර්තාවන්නේ.
අප වාර්තාකරු සඳහන් කළේ මන්ත්‍රීවරයා අද පස්වරු 01කට පමණ අධිකරණය හමුවට රැගෙන ආ බවයි.
මෙම නඩුවට අදාලව රන්ජන් රාමණායක මහතාගේ කටහඬ පරීක්ෂාවක්ද මීට පෙර රජයේ රස පරීක්ෂක දෙපාර්තමේන්තුව හමුවේ සිදුකරණු ලැබිණි.
