පසුගියදා රත්මලාන දුම්රිය අංගනයේ නිරීක්ෂණ චාරිකාවකට එක්වෙමින් අමාත්‍යවරයා මේ බව කියා සිටියේය. ඊට අදාළ අමාත්‍ය මණ්ඩල අනුමැතිය ලබා ගැනීම සඳහා පත්‍රිකාවක් ද මේ වන විට ඉදිරිපත් කර තිබෙන බවයි අමාත්‍යවරයා වැඩිදුරටත් කියා සිටියේ. දැනට දුම්රිය ප්‍රවේශපත් කල්තියා වෙන් කිරීමේ දී ඇතැම් පුද්ගලයන් සිදු කරන නීතිවිරෝධී ක්‍රියා හේතුවෙන් දේශීය මෙන්ම විදේශීය සංචාරකයන් ද බලවත් අපහසුතාවට ලක්වන බව හඳුනාගෙන තිබේ.
ඇතැම් දුර ගමන් ප්‍රවේශ පත්‍ර පවතින මිලට වඩා කිහිප ගුණයකින් වැඩි මිලකට අලෙවි කිරීමට සිදු කෙරේ. රුපියල් 1200ක් වටිනා ප්‍රවේශ පත්‍රයක් අලෙවි කරනු ලබන්නේ රුපියල් හාරදහසක් වැනි මිලකටයි. මෙම තත්වය වළක්වාලීම සඳහාත් දුම්රිය සේවාව වඩා ගුණාත්මක සේවාවක් බවට පත්කිරීම සඳහාත්, මෙම පියවර ගැනීමට තීරණය කළ බවයි අමාත්‍යවරයා කියා සිටියේ.
