එක්සත් ජාතික පක්ෂයේ නායක රනිල් වික්‍රමසිංහ මහතා, කරූ ජයසුරිය සහ සජිත් ප්‍රේමදාස යන තිදෙනාම එක්ව නායකත්ව මණ්ඩලයක් වශයෙන් පක්ෂය මෙහෙයවීම යෝජනාව ඉදිරිපත්ව ඇති බව වාර්තාවේ . මිට අමතරව සජිත් ප්‍රේමදාස මහතාට නායකත්වය ලබාදීම යන යෝජනා දෙකක් ඉදිරිපත් වී ඇත. මේ සම්බන්ධයෙන් වු සාකච්ඡාව පැවැත්වෙමින් තිබියදි අජිත් පී. පෙරේරා, හරීන් ප්‍රනාන්දු, සුජීව සේනසිංහ යන මන්ත්‍රීවරුන් දැඩි සුවරූපයෙන් හැසිරෙන්නට පටන් ගැනීම නිසාවෙන් එම ගැටුම්කාරී තත්වයක් උද්ගතවී ඇති බවයි වාර්තා වන්නේ.
පක්ෂ නායක රනිල් වික්‍රමසිංහ මහතා ඉදිරිපත්ව තත්වය සමනය කර ඇති අතර තමන් විදෙස් ගතවිමෙන් පසු යළි දිවයිනට පැමිණ 16 වනදා නායකත්වය සම්බන්ධයෙන් මන්ත්‍රී කණ්ඩායම තුළ ඡන්ද විමසීමක් සිදු කරන බව පැවසුවේ යැයි ආරංචි මාර්ග පවසයි.
