උතුරු හා නැගෙනහිර පළාත්වල බිම් බෝම්බ ඉවත් කිරීමේ වැඩසටහන සඳහා තවත් යුරෝ මිලියන 4ක ප්‍රදානයක් සිදු කිරීමට ජර්මනිය එකඟවී තිබේ.

ඊයේ රාත්‍රී පැවති අධික සුළං නිසා දුම්රිය මාර්ගයට ගස් කඩා වැටීමෙන් කැලණි වැලි මාර්ගයේ දුම්රිය ධාවනයට බාධා එල්ල වී තිබේ.

පුත්තලම සිට මන්නාරම සහ කන්කසන්තුරය හරහා මුලතිවු දක්වා වන මුහුදු ප්‍රදේශවල සහ හම්බන්තොට සිට පොතුවිල් දක්වා වන මුහුදු ප්‍රදේශවල සුළඟේ වේගය විටින් විට පැ.කි.මී. (55-65) දක්වා වැඩි විය හැකි අතර එම මුහුදු ප්‍රදේශ විටින් විට රළු විය හැකි බව කාලගුණ විද්‍යා දෙපාර්තමේන්තු පවසයි.

ලබන 20 වැනිදා දක්වා මන්නාරම සිට පුත්තලම,කොළඹ,ගාල්ල,හම්බන්තොට හරහා පොතුවිල් දක්වා මුහුදේ රළු ස්වභාවය නිසා ධීවර කටයුතු නොයෙදෙන්නැයි කාලගුණ විද්‍යා දෙපාර්තමේන්තුව දැනුම් දෙයි.

මාලඹේ සිට කොළඹ කොටුව දක්වා සැහැල්ලු දුම්රිය මාර්ග සේවා සංක්‍රමණ ව්‍යාපෘතියේ සමාරම්භක උත්සවය කොළඹ දී අද සවස පැවැත්වේ.

ඉකුත් වසරේ පමණක් මෙරටින් ඒඩ්ස් රෝගීන් 350 දෙනෙකු වාර්තා වී ඇතැයි, ජාතික ඒඩ්ස් කමිටුව පවසයි.

මධ්‍යම සහ සබරගමුව පළාත්වලත් ගාල්ල, මාතර සහ කළුතර දිස්ත්‍රික්කවලත් විටින් විට වැසි ඇතිවේ. වයඹ පළාතේ සහ කොළඹ, ගම්පහ සහ හම්බන්තොට දිස්ත්‍රික්කවල වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

උනහපුලුවාට උගේ පැටියා මැණිකක්. මේ, අපි කවුරුත් අසා තියෙන කියමනක්. උනහපුලුවා අද වනවිට වඳවී යාමේ දැඩි තර්ජනයකට ලක්ව සිටින සත්ව කොට්ඨාසයක් බවට පත්වී තිබේ.

අමෙරිකානු රාජ්‍ය ලේකම් මයික් පොම්පෙඕ මේ මස අග දී ශ්‍රී ලංකාවේ චාරිකා කරන බව අමෙරිකානු රාජ්‍ය දෙපාර්තමේන්තුව නිවේදනය කරයි.

Update : අද(11) පස්වරු 2:00ට රැස්වූ තේරීම් කාරක සභාව හමුවේ බස්නාහිර පළාත් හිටපු ආණ්ඩුකාර අසාද් සාලි මහතා සාක්ෂි ලබා දීම සඳහා පැමිණ තිබේ. ඔහුගෙන් සාක්ෂි සටහන් කරගැනීම සහ ප්‍රකාශ ලබා ගැනීම මේ වන විට සිදු කරයි.