Vesak

පාස්කු ඉරු දින කොච්චිකඩේ ශාන්ත අන්තෝනි මුනිදුන්ගේ දේවස්ථානය ට මරාගෙන මැරෙන බෝම්බ ප්‍රහාරය එල්ල කළ අලව්දීන් අහමඩ් මුවාත් නැමති බෝම්බකරුගේ සහෝදරවරු දෙදෙනෙකු සහ සහෝදරියක් අද නිරීක්ෂණය සඳහා රහස් පොලිසිය මගින් කොළඹ මහේස්ත්‍රාත් අධිකරණයට ඉදිරිපත් කළේය.

මිනුවන්ගොඩ ප්‍රදේශයේ ඇතිවූ කලහකාරී සිද්ධියට අදාළව තමන් අත් අඩංගුවට ගැනීම වැළැක්වීමේ නියෝගයක් නිකුත් කරන මෙන් ඉල්ලා පිවිතුරු හෙළ උරුමය පක්ෂයේ උප නායක මධුමාධව අරවින්ද මහතා විසින් ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කර තිබේ.

හිටපු ආරක්ෂක ලේකම් ගෝඨාභය රාජපක්ෂ මහත ඇතුළු විත්තිකරුවන් තිදෙනෙකුට එරෙහිව නීතිපතිවරයා විසින් ගොනුකර තිබෙන නඩුව ජූනි මස 19 වැනිදා සිට විභාගයට ගැනීමට කොළඹ ත්‍රිපුද්ගල විශේෂ මහාධිකරණය නියම කළේය.

හිටපු ජනාධිපති කාර්ය මණ්ඩල ප්‍රධානී ගාමිණී සෙනරත් ඇතුළු විත්තිකරුවන් තුන්දෙනෙකුට එරෙහිව නීතිපතිවරයා ගොනුකර තිබෙන නඩුවට අදාළ අවසන් දේශන ජුනි මස 03 වනදා ඉදිරිපත් කරන ලෙස කොළඹ ත්‍රිපුද්ගල විශේෂ මහාධිකරණය දෙපාර්ශ්වයේ නීතිඥවරුන්ට නියෝග කළේය.

චමින්ද අතලුවගේ අත්අඩංගුවට ගෙන අධිකරණයට ඉදිරිපත් කිරීම සඳහා ඉකුත් නඩු දිනයේ නිකුත් කළ නියෝග ප්‍රකාරව කටයුතු නොකිරීම සම්බන්ධයෙන් හේතු දක්වන ලෙස කොටුව මහේස්ත්‍රාත් රංග දිසානායක මහතා අද මුල්‍ය අපරාධ විමර්ශන කොට්ඨාසයට නියෝග කළේය.

කොළඹ ෂැන්ග්‍රිලා හෝටලයේ මරාගෙන මැරෙන බෝම්බ ප්‍රහාරයක් එල්ල කළ බෝම්බකරුට අයත් බව කියන වැල්ලම්පිටිය ප්‍රදේශයේ පිහිටි තඹ කම්හලේ සේවය කරමින් සිටියදී අත්අඩංගුවට පත්ව පසුව ඇප මත මුදා හරින ලද සැකකරුවන් 08 දෙනෙකුට මේ මස 27 වනදා අධිකරණය හමුවේ පෙනී සිටින්නැයි දන්වා කොළඹ මහේස්ත්‍රාත් අධිකරණය නොතීසි නිකුත් කළේය.

පසුගියදා මිනුවන්ගොඩ නගරයේ හා ඒ අවට හටගත් කලහකාරී සිද්ධිය සම්බන්ධයෙන් අත්අඩංගුවට ගනු ලැබූ පිරිසෙන් අද අධිකරණයට ඉදිරිපත් කළ 32කට ඇප ලබා දී තිබේ.

සේපාල රත්නායකගේ අමිල සම්පත් හෙවත් "රොටුඹ අමිල" අද සහ රණවකගේ ධම්මික නුවන් රණවක හෙවත් "කළුවා" මොරවක මහේස්ත්‍රාත් අධිකරණයට ඉදිරිපත් කිරීමෙන් පසු ජුනි 4 වැනි දා දක්වා රක්ෂිත බන්ධනාගාර ගත කෙරිණ.

නාවික හමුදාවේ ලුතිනන් කමාන්ඩර් නිලන්ත සම්පත් මුණසිංහ හා සුමිත් රණසිංහ ඇතුලු සැකකරුවන් හත් දෙනා ලබන 29 වනදා දක්වා තවදුරටත් රක්ෂිත බන්ධනාගාර ගත කරන ලෙස කොටුව මහේස්ත්‍රාත් රංග දිසානායක මහතා අද 21 නියෝග කළේය.

කොළඹ ත්‍රිපුද්ගල විශේෂ මහාධිකරණය දුන් නියෝගයකට එරෙහිව හිටපු ආරක්ෂක ලේකම් ගෝඨාභය රාජපක්ෂ මහතා විසින් ඉදිරිපත් කර ඇති ප්‍රතිශෝධන පෙත්සම සලකා බැලීම සඳහා ලබන 30 වනදා කැදවන ලෙස අභියාචනාධිකරණය නියම කළේය.