නව මාදිලි හදුන්වා දිමෙන් පසු විකිණීම ආරම්භ කෙරෙන අතර නැව්ගත කිරිම ආරම්භ වන්නේ ලබන සතියේ සිටයි.

iPhone 13 මාදිලියන්හි වැඩි දියුණු කළ කැමරා විශේෂාංග ඇතත් ගිය වසරේ ආකෘතියට වඩා වැඩි වෙනසක් සාමාන්‍ය පුද්ගලයෙකු නොදකිනු ඇති බවයි, ඇපල් සමාගම පවසන්නේ.

වඩා හොඳ බැටරි ආයු කාලයක් ඇති අතර එය iPhone 12 මාදිලියන්ට වඩා පැය එක හමාරක් වැඩි බවට ඇපල් සමාගම සහතිකවේ. iPhone 13 Pro ඩොලර් 999 සිට ආරම්භ වන අතර Pro Max ඩොලර් 1,099 සිට ආරම්භ වන අතර පසුගිය වසරේ මිල ගණන් වලට සමානයි.

iPhone 13 mini මාදිලිය ඩොලර් 699 ක් සහ iPhone 13ට ඩොලර් 799 ක් ලෙස මිළ නියම කර ඇති බව ඇපල් සමාගම පවසයි.

ඇපල් විසින් විශාල 1TB ගබඩා කිරීමේ විකල්පයක් හදුන්වා දි තිබෙනවා. පසුගිය වසරේ මාදිලිවලම තිර ප්‍රමාණයන් මෙවරත් ඇති අතර සුවිශේෂිතාව වන්නේ මෙම වසරේ මාදිලි "සියෙරා බ්ලූ" අනුවාදයෙන් සමන්විත විමයි.

අයිෆෝන් හි මූලික මාදිලි සහ Pro මාදිලි කැපී පෙනෙන ලක්ෂණය වන්නේ සෙන්ටිමීටර 2ක් පමණ වස්තූන් කෙරෙහි අවධානය යොමු කළ හැකි විශාලන සහ විශාල කාචයක් ඇතුළුව පසුපස කැමරා තුනක් තිබීමයි.

එක් කැමරාවක් Megapixels 12 ක පුළුල් කෝණ කාචයක් වන අතර විශාල සංවේදකයක් 50% වැඩියෙන් ආලෝකය ලබා ගන්නා බව ඇපල් සමාගම පවසයි.

යූ ටියුබ් හි මිලියන 2 කට අධික නරඹන්නන් පිරිසක් ඉදිරියේ ඇපල් ප්‍රධාන විධායක නිලධාරී ටිම් කුක් විසින් iPhone 13නමින් නව අයිෆෝන් මාදිලි එලි දක්වනු ලැබුවේය.

නව අයිෆෝන් 5G සම්බන්ධතාවයෙන් ද සමන්විත වන අතර එය රටවල් 60 ක ග්‍රහකයන්ට ප්‍රයෝජනවත් වන බවයි ඇපල් සමාගම පවසන්නේ.